يا ترى اكتب اية؟
هذة اول كلمة لى فى مدونتى لكن اكتب اية؟
اكتب فى اية ؟
اكتب فى السياسة؟
لا الناس بقت قرفانة من السياسة ليل نهار سياسة تفتح التليفاز تلاقية بيرمى فى وشك سياسة برامج اخبار نشرات حورات عن مشاكل البلد وغزة والعراق والسودان والصومال......................
امال اكتب فى اية؟
فى الرياضة ؟
بصراحة معظم برامج التلفاز ومواقع النت و المنتديات مبقاش وراها غير الرياضةوبقى فى اكثر من قناة مش عارفة تعمل اية غير رغى فى رغى عن الكوورةوابو تريكة و الاهلىو المنتخب وحسن شحاتةالاعب الفلانى اللى اتمسك واللى لسة ما تمسكش واللى ماشى واللى رايح
بدون اى فايدة .بس انا كنت زمان بحب الكوورة و برامج الكوورة ومجلات الكوورة.
بس من كتر الرغى كرهتها دة معناة اية ان الحاجة لما تكون زيادة عن حدها تتقلب لضدها يعنى هات واحد جعان ومررة امام بوفية مفتوح
مش حياكل حاجة.لكن اديلاة اى لقمة حيكلها .
امال اكتب فى اية؟
اكتب فى الفن؟
بس فن اية بالضبط؟
عن الافلام؟
بس الافلام العربية ولا الاجنبية؟
نبدا بالعربية .
الافلام الان لم تعدتشد الواحد زى زمان. مع ملاحظة انك لو بطل مش ممكن تقدر تكمل فيلم للاخر وتركز فيية.
وبعدين الافلام الان بقت شبة بعض مبقاش الواحد يقدر يفرق دة فيلم ايية ؟ومعظم الافلام بقت عبارة عن اكشن زى افلام احمد السقا وغيرة.
والنوع الاخر بقى كوميدى زى افلام احمد سعد وغيرة.دة غبر افلام الشباب اللى مش معرووف. بصراحة بقت حاجة مملة.
امال اكتب فى اية
اكتب عن الموسيقى والغناء؟
بس رجعت قلت لنفسى انت عبيط يا بنى ولا اية؟
امال اكتب فى اية؟
انا عاوز اكتب عن حاجة بحبها .
اكتب عن حاجة تفرحنى.
لكن اية هوا اللى بحبة واللى يفرحنى؟
دة انت كدا صعبتها على نفسك . هو فى حاجة الليوميين دوول تتحب ولا تفرح؟
يا ساتر... دة صحيح....
لكن ماتييجى تدوور على حاجة مفيدة؟
هىى اية بالضبط؟
تيجى نشوف ناس فرحانة وبتحب حاجة ونسالها انت فرحانة ليية وحبيتى الحاجة دى ازاىىى؟
ممكن لكن مين هما الناس دوول وهاسهلم ازاىى؟
يعنى خلاص مفيش ولا واحد فى الدنيا فرحان ولا ناجح ولا بيحب اىى حاجة؟
لآ اكيد فى لكن هما فيين الناس دوول؟
تعالى ندور.
طيب منين ما تلاقى الناس دوول ابقى انهى كلمتك.